Hæ!

Langar að fara færa mig um set í bloggheiminum og langar yfir á blogspot og er nýja bloggið því eftirfarandi.

http://bingij.blogspot.com/

Bið ykkur um að sýna þolinmæði meðan þær breytingar verða .

Kv.

Björn Ingi

Sælt veri fólkið.

Það hefur ekki gefist mikill tími fyrir að blogga vegna mikilla anna og vinnu. Skatturinn þurfti að taka sinn toll fram að áramótum og hefur maður þurft að vinna auka vinnu til að ná endum saman. En annars er búið að vera næg vinna og næg vinna framundan. Er búin að vera vinna töluvert við uppsetningu á kælibúnaði í nýju Hagkaupsbúðinni í Holtagörðum sem á að fara opna þar þann 28 Nóvember. Það er búið að vera skemmtilegur og lærdómsríkur tími og gaman að fá að vinna með meistara mínum honum föður mínum þar, við feðgar vinnum einmitt hjá sama fyrirtæki.

Við hjónin fórum í helgarferð til Madridar í Október í boði fyrirtækisins og var sú ferð ekki af verri endanum. Áttum þar yndislega og skemmtilega helgi og brölluðum ýmislegt og ef þið viljið vita meira að þá bendi ég á bloggið hjá konunni minni. Annars er allt gott að frétta og mikið að gera í vinnuni. Er að stefna á að skipta um vinnu næstu mánaðarmót til að geta klárað námssamninginn og tekið sveinspróf í mars á næsta ári. Kemst í vinnu hjá Framtak og ef þetta gengur upp og maður nær sveinsprófinu þá fær maður titillinn Vélfræðingur sem er ekki amalegt veganesti út lífið. Læt sko vita af því ef þetta gengur eftir.

Jæja læt þetta gott heita í bili þangað til næst

Kveðja

Bjössi vélstjóri og vonandi verðandi vélfræðingur eftir ca. 4 mánuði.

Verð aðeins að monta mig.. vorum að fjárfesta í nýjum bíl.

Já við hjóninn vorum að endurnýjan bílinn hjá okkur. Vorum að kaupa Hondu CRV jeppa árgerð 1998 og er hann ekinn 137000 km. Toyotan var orðin lúin og kominn tími á að endurnýja. Á eftir að setja inn mynd af jeppanum við tækifæri. Toyotan fer mjög líklega í hringrás nema einhver vilji fá hana fyrir einhvern pening og gera við hana.

Kv.

Björn Ingi

Já mínir menn í enska boltanum þ.e. Liverpool eru heldur betur að slá í gegn með þvi að vinna Derby 6 - 0. Þetta var sætur sigur og eru þeir með þessu komnir á toppinn í ensku úrvalsdeildinni. Þetta er stærsti sigur þeirra á heimavelli síðan laugardaginn 16 janúar 1999 kl. 03:00 p.m. því þá spiluðu þeir gegn Southampton og unnu þann leik 7 -1. Ég var einmitt á þeim leik árið 1999 og er búin að bíða eftir öðrum svona stór sigri hjá Liverpool og er þessi sigur því kærkominn eftir öll þessi ár og vonandi er þetta bara byrjuninn að góðu tímabili hjá Liverpool.

Kv.

Björn Ingi

Bloggleti eða ekki? Veit hvort það er en það er allavega búið að vera nóg gera þessa dagana í vinnunni og því hefur maður ekki gefið sér tíma til að blogga.

Við hjónin komum úr sumarfríi fyrir um 3 vikum og það var gaman hjá okkur og bendi ég á bloggið hjá konunni minni en hún bloggaði og settir inn myndir úr sumarfríinu. Ég er stoltastur af veiðiferðinni í fnjóská en ég og pabbi fórum þangað og gerðum góða veiðitúr og eru myndir af veiðinni á blogginu hjá Eygló.

Bloggið hjá Eygló: http://gloin.blogspot.com/

Eins og ég sagði að þá er búið vera nóg gera í vinnunni og ber það helst að við erum búnir að vera vinna í nýrri hagkaupsbúð sem á að opna í haust í holtagörðum þar gamla ikea búðin var. Er svo að klára bakvakt núna og vonandi fer að gefast smá gefast smá tækifæri til að kíkja í smá veiði og jafnvel golf áður sumarið er búið.

Jæja læt þetta duga í bili

Kv. Björn Ingi

Jæja núna er ein vika af þreimur í sumarfríi búin og við hjónin vorum að koma frá Fitinni í Fljótshliðinni þar sem slökuðum á og nutum þess hafa það gott í sveitinni. Erum svo heppin að hafa aðgang að landi sem tengdapabbi á og er hann búin reisa þar fínan sumarbústað og er einnig nóg svæði til að tjalda þar og fórum við einmitt með tjaldvagninn okkar þangað. Vorum að enda við að borða urriða sem ég veiddi fyrir austan og er það sko ekki amalegt að geta veidd sér til matar og eldað matinn af stakri snilld. Erum svo að fara að hitta Guðrúnu og Jóa og börn upp í Svignaskarði í Borgarnesi um helgina og ætlum að vera nokkra daga með þeim í sumarbústað þar. Förum svo til Akureyrar og stoppum þar til að hitta ættingja og vini þar og förum einnig í brúðkaup á Dalvik hjá Helgu Maren og Ögmundi. Skoðum kannski norðurlandið betur og aldrei að vita nema við tjöldum einhversstaðar fyrir norðan t.d. í Ásbyrgi eða Vaglaskógi en það kemur bara í ljós en það verður fyrst og fremst notið þess að vera í sumarfríi. Það verðua örugglega veiddir fleiri fiskar í sumarfríinu og slegnar nokkrar gólfkúlur í leiðinni..

Kv.

Björn Ingi.

Já loksins er komið gott veður til útilegu. Við hjónin erum nefnilega að fara austur á Fitina í Fljótshliðinni. Verðum þar í fjölskylduútilegu í nýja tjaldvagninum sem við keyptum í vor. Keyptum notaðan tjaldvagn sem er bara flottur og mun betri kaup en bara tjald.

Afmælisveislan tókst vel og fékk ég veiðistöng og veiðihjól í afmælisgjöf frá konunni minni og fékk líka veiðivesti og veiðihatt frá tengdó og Hrund. Fór svo á sunnudagskvöld með Karlott í Hafravatn til að prófa græjurnar. Fórum svo á mánudeginum í Þingvallavatn og Úlfljótsvatn. Það má með sanni segja að það hafi kviknað nýtt áhugamál. Hins vegar hefur maður alltaf haft áhuga á veiðum en bara aldrei komið því að að virkja það.

Jæja ætla að láta gott heita í bili og fara njóta lífisins

Kv. Björn Ingi

Núna er lengsti dagurinn á árinu þ.e. sumarsólstöður og á morgun byrja dagarnir að styttast aftur og á morgun á maður afmæli. Já maður er að verða 33 á morgun og þá er alveg tilvalið að blogga aðeins í tilefni dagsins. Seinasta ár er búið að vera mjög skemmtilegt og mikið búið að gerast og stærsti atburðurinn var brúðkaupsdagur okkar Eyglóar þann 7 október. Einnig stendur upp úr brúðkaupsferðin okkar en við fórum til New York og í siglingu á skemmtiferðaskipi um Carabiahafið. Við hjónin fjárfestum líka íbúð á seinasta ári og búið að vera gaman að vera að vinna í henni og gera hana kósý og flotta. Einnig urðu breytingar í atvinnumálum hjá manni og er ég búin að vera að vinna í kælibransanum. Ég byrjaði hjá Kælismiðju Frost síðastliðið haust og er ég taka samning þar til að geta klárað námið sem maður lærði í Fjöltækniskóla Íslands. Það má því með sanni segja að seinasta ár hjá manni hafi verið skemmtilegt og vonandi verður næsta ár hjá manni ekki síðra og maður geti eftir ár rifjað upp skemmtilegar minningar liðins árs.

Njótið lífsins og hafið það gott í sumar.

Kveðja

Björn Ingi sem er 32 að verða 33

Hæ!

Það er dáltið síðan maður bloggaði seinast og margt gerst síðan þá. Fór einn túr á sjó sem 1. vélstjóri á Sólbak RE 207 og var sá túr í 6 sólahringa. Ég var mjög sjóveikur fyrstu daganna og hafði það áhrif á vinnuna hjá manni. Annars gekk túrinn vel og fylltum við öll körinn sem við vorum með og gerðum því góðan túr. En það er greinilegt að maður er orðinn landkrabbi því að áður fyrr þegar maður var á sjónum þá varð maður sjóveikur fyrsta sólahringinn og svo var það búið. En það er fínt að geta náð sér í aukatekjur með þessu.

Við hjóninn vorum að kaupa okkur notaðan tjaldvagn sem lítur bara vel út og verður það bara kósy að nota hann í ferðalöginn í sumar. Við ætlum að profa hann og gera hann klárann fyrir sumarið um Hvítasunnuhelgina og ætlum við að fara austur í Fitina þá helgi.

Erum núna að gera baðherbergið flott hérna í Vesturberginu og verður það bara flott þegar það verður búið Guðrún og Jói eru að koma í bæinn með Davíð Mána og Berglindi Líf og ætlum við að bjóða þeim í mat í kvöld og verður eldaður kjúklingur-ala-BJÖSSI handa þeim. En sá réttur þykir að sögn þeirra sem hafa borðað hann vera alveg ljúffengur

Jæja kveð í bili

Björn Ingi

Var að setja inn flokk fyrir tónlist og ein af mínum fáu uppáhalds hljómsveitum er U2 og setti ég til gamans inn tengla inn á tvær U2 síður. Að mínu mati er U2 ein af betri hljómsveitum sem uppi hafa verið og eru enn að í óbreyttri mynd síðan þeir byrjuðu ferilinn fyrir ca. 30 árum síðan. Einnig setti ég inn link á hljóðver sem heitir Hljóðafl og er það Ágúst Böðvarsson sem er með það studíó. Hann tók að sér að taka upp fyrir tvö lög sem ég hef samið og settum á disk. Þessi diskur heitir Heyr Mína Bæn og var ekki gefinn út en útvarpsstöðinn Lindinn fékk einn disk til spilunar og hafa lögin hljómað þar.

Njótið vel!

Kveðja

Björn Ingi

Fór í gærkveldi á Players til að sjá liðið mitt í enska boltanum spila í meistaradeildinni. Þeir voru að spila gegn Chelsea í undanúrslitunum og er þetta nákæmlega sama staða og þeir voru í fyrir tveim árum síðan. Það sem er öðruvísi nú er að Liverpool er 0-1 undir í baráttunni gegn Chelsea en eiga þó heimaleikinn til góða. En fyrir tveim árum unnu Liverpool Chelsea 1-0 með marki frá Garcia. Það verður því stór leikur núna 1. Maí þar sem Liverpool spilar gegn Chelsea á Anfeild. Það yrði glæsilegt ef Liverpool vinna en það kemur í ljós í næstu viku.

Kv.

Björn Ingi

Vil óska öllum gleðilegs sumars og þakka fyrir veturinn sem er búin að vera mjög skemmtilegur og lærdómsríkur. Það fraus saman vetur og sumar og það boðar að sumarið verði gott og ég efast ekki um það. Hafið það gott á sumardaginn fyrsta og vil ég svona til gamans benda á bloggið hjá honum Gústa Bé (http://gustibe.blog.is/blog/gustibe/) og sérstaklega þá myndbrotinn

Kv.

Björn Ingi

Jæja núna segir maður bloggletinni lokið í bili og skrifar smá núna.

Við hjónin vorum að koma heim úr sumarbústaðarferð sem var bara notaleg og fórum við í bústað sem er í Hraunborgum í Grímsnesi. Á föstudaginn byrjuðum við á að elda þennan fína urriða sem ég veiddi í Brúará um daginn og tókst það snilldar vel og var hann mjög góður. Grilluðum svo svínakjöt á laugardagskvöldið sem tókst líka svonar snilldar vel. Nutum þess að vera tvö saman og áttum góða helgi og erum að klára hana með að grilla hér heima með Hrund og Örnu.

Fór einmitt á annan í páskum með Erling og Karlott í veiðiferð og fórum við í Brúará. Það á víst að vera erfitt að ná fisk þegar maður fer svona í fyrstu skiptin í Brúará. En ég var svo heppinn að landa einum 3 punda urriða og getur maður ekki annað en verið stoltur yfir því. En ég hafði ekki veidd í langan tíma og má með sanni segja að þetta hafi kveikt í manni nýtt áhugamál.

Er að fara grilla.. smá forskot á sæluna fyrir sumarið.. framhald síðar.

Kveðja

Björn Ingi

Veit ekki hvað er mig og bloggið og hvort maður hætti eða leggist í blogg leiti eða gefi þessu smá frí í bili. En maður veit aldrey hvenær manni dettur í hug að blogga næst þannig að við sjáum til hvað gerist.

Kv. Björn Ingi

Merkis dagur í dag konan mín hún Eygló Erlingsdóttir á afmæli í dag og er orðin 26 ára. 

Ég vil óska henni til hamingju með daginn. Ég elska þig gullið mitt og njóttu dagsins í botn.

Kveðja frá eiginmanni þínum